Индияда 200дөн ашык жүргүнчүнү ташып бараткан учак кырсыкка кабылып, көп адам мүрт кетти. Украинанын экинчи ири шаары Харьков Орусиянын аба соккусуна кабылып, кеминде 16 адам жараат алды. Ош облустук милициясы күйөөсү сабаганын айткан келиндин жолдошун эки аптадан кийин гана кармады.
17-майда Швейцариянын Базел шаарында өткөн Eurovision-2025 ыр сынагында австриялык ырчы JJ жеңишке жетти. Ал "Wasted Love" (Текке кеткен сүйүү) деп аталган, опера стилиндеги бийик ноталар камтылган ыры менен катышты.
Аяк-башы көрүнбөгөн казактын кең талаасынын четинде, шамал менен күнгө туурулган боз шыбак тамда эне-бала, чоң атасы, чоң энеси жашайт. Баланын атасы согушка кеткен. Кемпир-чалдын басса-турса тилегени уулунун майдандан аман-эсен кайтышы.
Француз жазуучусу Ги де Мопассандын "Элет күндөрүнүн таржымалы" тагдыры татаал зайыптын башынан кечирген азап-тозокторуна арналган. Бактысын тапканча байкуш аял кандай кыйынчылыктарды көрбөдү, басынып-кысынып жүрүп чоң сырын жан адамга билдирбеди. Катылган сыр кези келгенде ачылат экен.
Зайырбек Ажыматов... Мекенчил акын, камкор ата, чыныгы дос. Кең дүйнөнүн алакандай бурчунда 44 жыл гана жашаган инсанды тааныгандар ушундай баа беришет. Кыска өмүрүндө далай кыргызга дем берген ырларды жазып кеткен Зайырбек Ажыматов биздин, кесиптештеринин эсинде чыныгы Адам бойдон калды.
Касым Сулаймановдун "Чөнтөк телефон" аңгемесинде турмушка даяр эмес эрке кыздын тагдыры тууралуу сөз болот.
Ушул айда Никколо Макиавеллинин айтылуу “Өкүмдары” кыргыз тилинде жарык көрдү. Италиялык ойчул, даанышман жана дипломаттын 500 жылдан ашуун мурда жазылган эмгеги дүйнөдө эң көп окулган китептердин бири.
Кыргыз Республикасынын “Эмгек баатыры”, “Эл артисти”, эл ырчысы Элмирбек Иманалиевдин көзү өткөнүнө бүгүн туура беш жыл болду. «Айтыш» фондунда көптөгөн жаш акындарды таптаган таланттуу акын 2020-жылы 42 жашында күтүүсүз каза болгон. Ал ага чейин кант диабетинен жабыркап, дарыланып жүргөн.
Эмгек сиңирген артист, таланттуу комузчу Анара Эсенгулова 62 жашында каза тапты. Сөөгү 12-апрелде Балыкчыга коюлду. Көзү тирүүсүндө ал Эл артисти наамын алууну самап, ниети ишке ашпаган. Жакындан билгендер ал оор кайгыдан улам чыгармачыл жигери басаңдап, таланты ташыркап калганын эскеришет.
Бишкекте тарыхый-маданий мурас саналган 400гө жакын объект бар.
“Куугунтук курмандыктары” подкастында фолк-хистори тууралуу сөз кылабыз. Соңку мезгилде интернет булактарында тарых боюнча ар кандай талаш жараткан макалалар чыгып жүрөт. Ошол эле маалда тарыхый окуяларды бурмалаган эмгектер да жарык көргөн учурлар бар.
Кыргызстанда 90 жакын адамдын өмүрү кыйылган, бийлик алмашуу менен аяктаган Апрель окуяларына туура 15 жыл болду. Анын курмандыктарын эскерүү иш чаралары Бишкек жана Талас шаарында өтүп, анда президент Садыр Жапаровго кайрылуу жолдонду.
Дагы жүктөңүз
